აფხაზეთის ავტონომიური რესპუბლიკის განათლებისა და კულტურის სამინისტროს მხარდაჭერით სენაკსა და ზუგდიდში მდებარე აფხაზეთის საჯარო სკოლებს შორის სპორტული ოლიმპიადა ჩატარდა.
სასკოლო სპორტული ოლიმპიადაზე აფხაზეთის №5, №7, №10, №11 და №12 საჯარო სკოლების მოსწავლეები ერთმანეთს ფრენბურთში, კალათბურთსა და მაგიდის ჩოგბურთში ეჯიბრებოდნენ.
ოლიმპიადის მონაწილე გუნდები სიგელებითა და სპორტული ფორმებით დაჯილდოვდნენ.
აფხაზეთის რეგიონულ ტურნირში პირველ ადგილზე გასული გუნდები საქართველოს სასკოლო სპორტული ოლიმპიადის ზონალურ შეხვედრაში აფხაზეთის სახელით იასპარეზებენ.
