Հարցի ուսուցման պլան

Դասարան՝ III

Թեմա՝ Պարբերական հաջորդականություն

Ժամանակը՝ մեկ դասաժամ

Ակտիվության նպատակը՝ աշակերտը կարողանա

տարբեր ձևերով տրված պարբերական հաջորդականություններից ընտրել միևնույն կարգով կազմված հաջորդականությունները,
ըստ մեկ տիպի առարկաներից կազմված հաջորդականության՝ կազմել հաջորդականություն նույն կանոնի համաձայն, կիրառելով այլ տիպի առարկաներ։

Նախնական գիտելիք՝ աշակերտը կարող է պարբերական հաջորդականության մեջ առանձնացնել հաջորդականության պարբերությունը (ամենափոքր կրկնվող հատվածը)

Դասարանի կազմակերպման ձևը՝ ամբողջ դասարան, զույգեր, անհատական։

Անհրաժեշտ ռեսուրսներ՝ ակնոց, հավելված, տետր,գրիչ, գունավոր թղթերից կտրած երկրաչափական պատկերներ, պրոյեկտոր

Հարցի ուսուցման փուլերը․

I – նախապես

Ակտիվություն №1

Ուսուցիչը պրոյեկտորի միջոցով (կամ տպած) ցույց է տալիս աշակերտներին հավելվածի (հավելված №1) նկարները, որոնք պարբերական հաջորդականությամբ են պատկերված և խնդրում է, որ յուրաքանչյուր հաջորդականության համար առանձնացնեն հաջորդականության պարբերությունը:

Յուրաքանչյուր դեպքի համար ուսուցիչը հարցնում է աշակերտներին․

Ընդամենը քանի՞ անդամ կա հաջորդականության մեջ:
Ընդամենը քանի՞ տարբեր անդամներ կան հաջորդականության մեջ: Որքա՞ն է տրված հաջորդականության պարբերությունը:
Հաջորդականության ո՞ր մասն է կրկնվում։
Ինչի՞ է հավասար պարբերության երկարությունը։

II – ընթացքում

Ակտիվություն № 2

Ուսուցիչը պրոյեկտորի օգնությամբ աշակերտներին է ներկայացնում հավելված №2-ը: Աշակերտները պետք է որոշեն, թե տրված երեք հաջորդականություններից որ երկուսն են ենթարկվում հաջորդականության անդամների դասավորության միևնույն կարգին, այսինքն՝ դրանցից ո՞ր երկուսը ունեն նման պարբերություններ։

Յուրաքանչյուր դեպքի համար ուսուցիչը հարցնում է աշակերտներին․

Քանի՞ տարբեր անդամ կա յուրաքանչյուր հաջորդականության մեջ:
Ո՞րն է տրված առաջին հաջորդականության պարբերությունը։ Ինչի՞ է հավասար դրա պարբերության երկարությունը:
Ո՞րն է տրված երկրորդ/երրորդ հաջորդական պարբերությունը: Ինչի՞ է հավասար դրա պարբերության երկարությունը:
Ո՞ր երկու հաջորդականություններն են նման: Ո՞րն է տարբերվում մյուսներից: Ինչո՞վ է տարբերվում։

Ակտիվություն № 3

Ուսուցիչը պրոյեկտորի օգնությամբ աշակերտներին է ներկայացնում հավելված № 3-ը: Աշակերտները պետք է ուսումնասիրեն տրված հաջորդականությունը և հետո մտածեն, թե արդյոք ստորև բերված երկրաչափական պատկերներով կարող են կազմել պարբերական հաջորդականություն, որը կհամապատասխանի նույն կանոնին, ինչ վերը նշվածը:

Ենթադրություններ հայտնելուց հետո, գունավոր թերթիկներից նախապես կտրված երկրաչափական պատկերներով, աշակերտները պետք է նույն ձևով կազմեն տրված պարբերական հաջորդականությունները։

Յուրաքանչյուր առաջադրանքի համար ուսուցիչը կարդում է հաջորդականության պարբերությունը և դրա երկարությունը:

Ուսուցիչը կիրառում է զարգացնող գնահատման հեշտ մեթոդներից մեկը և ստուգում է աշակերտների կողմից հարցի յուրացման մակարդը։ Անհրաժեշտության դեպքում աշակերտներին տալիս է պարզաբանող հարցեր և տրամադրում կառուցողական հետադարձ կապ։ Փորձում է հաշվի առնել աշակերտների բացահայտված կարիքները և համապատասխան կերպով արձագանքել դրանց՝ փոփոխություններ կատարելով ուսուցման մեջ:

Ակտիվություն №4

Ուսուցիչը պրոյեկտորի միջոցով աշակերտներին է ներկայացնում հավելված №4-ը և բաժանում հաշվելու պարագաներ։

Աշակերտները տրված յուրաքանչյուր հաջորդականության համար հաշվելու պարագաներով նույն կարգով պետք է կազմեն պարբերական հաջորդականություն: Յուրաքանչյուր առաջադրանքից հետո կողք կողքի նստած աշակերտները ստուգում են միմյանց աշխատանքները: Եթե սխալ է հայտնաբերվում, ուսուցիչը ներգրավվում է գործընթացում և օգնում է նրանց՝ հարցեր տալով:

III – հետո

Ակտիվություն №5

Ուսուցիչն աշակերտներին խնդրում է հաշվելու պարագաներով կազմել (կամ նկարել).

Պարբերական հաջորդականություն, որի համար կկիրառեն երկու տեսակի հաշվելու պարագա և որի պարբերության երկարությունը 3 է։
Պարբերական հաջորդականություն, որի համար կկիրառեն երեք տեսակի հաշվելու պարագա և որի պարբերության երկարությունը 4 է։
Պարբերական հաջորդականություն, որի համար կկիրառեն երեք տեսակի հաշվելու պարագա և որի պարբերության երկարությունը 5 է։
Պարբերական հաջորդականություն, որի համար կկիրառեն չորս տեսակի հաշվելու պարագա և որի պարբերության երկարությունը 5 է։

Յուրաքանչյուր հրահանգ ավարտելուց հետո աշակերտների զույգերը ստուգում են միմյանց աշխատանքը և համեմատում, թե արդյոք նրա և դասընկերոջ կողմից ստեղծված հաջորդականությունները ենթարկվո՞ւմ են նույն կանոնին:

Ակտիվություն №6

Ուսուցիչը հանձնարարում է աշակերտներին իրենց աշխատանքային տետրերում նկարել պարբերական հաջորդականությունը, որտեղ պարբերության երկարությունը և ձևը իրենց ցանկությամբ պետք է ընտրեն։

Երբ բոլորն ավարտում են հաջորդականության ստեղծումը, ուսուցիչն աշակերտներին խնդրում է զույգերով փոխանակել իրենց տետրերը, այնուհետև զույգերն արդեն հաշվելու պարագաներով ստեղծում են նույն պարբերական հաջորդականությունը:

Ուսուցիչը ստուգում է աշակերտների աշխատանքները։ Փայտամած է տրամադրում այն աշակերտներին, ովքեր սխալ են կատարել առաջադրանքը:

Հավելված 1