აბიტურიენტების არჩევანი საგნების მიხედვით 

2022 წელს აბიტურიენტებს საშუალება ჰქონდათ, საკუთარ სარეგისტრაციო გვერდზე, 14 აპრილის 18:00 საათამდე დაემატებინათ ან ამოეშალათ ჩამონათვალიდან ნებისმიერი გამოცდა.  ამ ვადის ამოწურვის შემდეგ აბიტურიენტების არჩევანი საგნების მიხედვით ასე გამოიყურება:

ისტორია აირჩია 21800 – მდე აბიტურიენტმა;

მათემატიკა – 13 800 – ზე მეტმა აბიტურიენტმა;

ბიოლოგია – 3400 – ზე მეტმა აბიტურიენტმა;

გეოგრაფია – 1300 – მდე აბიტურიენტმა;

სამოქალაქო განათლება – 600-მდე აბიტურიენტმა;

ლიტერატურა –  800 – მდე აბიტურიენტმა;

ქიმია –  2600 – მდე აბიტურიენტმა;

ფიზიკა –  350 – მდე აბიტურიენტმა;

სახვითი და გამოყენებითი ხელოვნება – 200-მდე აბიტურიენტმა.

პროგრამების არჩევისა და წაშლის  საშუალება გამოსაცდელებს კიდევ რამდენიმე თვის განმავლობაში აქვთ. ეს პროცესი აპელაციის შედეგების გამოქვეყნების მომდევნო დღეს შეწყდება. 2022 წელს ერთიანი ეროვნული გამოცდების ჩასაბარებლად  41 000-ზე მეტი აბიტურიენტი დარეგისტრირდა.