საქართველოს პარლამენტის ეროვნული ბიბლიოთეკის დირექტორმა, გიორგი კეკელიძემ და დირექტორის მოადგილემ, მირიან ხოსიტაშვილმა თურქეთში, ქალაქ სინოპში, „სინოპის ქართული კულტურისა და მეგობრობის ასოციაციასთან“ ერთად, ქართული ბიბლიოთეკა გახსნეს.
ბიბლიოთეკას საჩუქრად უახლესი ლიტერატურა გადაეცა. გაიმართა შეხვედრები ასოციაციის წარმომადგენლებთან, სადაც ისაუბრეს მომავალი თანამშრომლობის გეგმებზე ისაუბრეს.
„თურქეთში, ქალაქ სინოპში ქართული ბიბლიოთეკა გავხსენით. ნაბიჯ-ნაბიჯ, მსოფლიოს ყველა მნიშვნელოვან ქალაქში გავხსნით ქართული წიგნის კუთხეს,“ – ამბობს გიორგი კეკელიძე.
სინოპში ქართული ბიბლიოთეკა „თიბისი ბანკის“ მხარდაჭერით გაიხსნა.
