2023 წლის 30 ოქტომბრიდან პირველი ნოემბრის ჩათვლით პროფესიული განათლების მიღების მსურველებს უფლება აქვთ განათლების მართვის საინფორმაციო სისტემის სპეციალურ პროგრამაში ( vet.emis.ge) გააკეთონ არჩევანი დარჩენილ თავისუფალ ადგილებზე და შესაბამის პროფესიულ დაწესებულებებს მიმართონ ჩარიცხვის მოთხოვნით.
რეგისტრაცია შესაძლებელია როგორც ონლაინ, ვებგვერდზე – vet.emis.ge, ასევე, საქართველოს მასშტაბით მოქმედ პროფესიული საგანმანათლებლო პროგრამების განმახორციელებელ დაწესებულებებში.
2023 წელს შეთავაზებული პროფესიული საგანმანათლებლო დაწესებულებებისა და პროგრამების სრული ჩამონათვალი და რეგისტრაციის ინსტრუქცია იხილეთ პორტალზე – vet.emis.ge.
პროფესიულ პროგრამებთან დაკავშირებით კონსულტაციის მისაღებად, შეგიძლიათ დაგვიკავშირდეთ ცხელ ხაზზე: (+995 32) 2200 220, ან მოგვწეროთ ელექტრონულ მისამართზე: info@emis.ge
