14 აგვისტო, კვირა, 2022

50 გამონათქვამი ხელოვნებაზე

spot_img

წარმოგიდგენთ 50 გამონათქვამს ხელოვნების სხვადასხვა დარგის შესახებ. ჩამონათვალი ხელოვნების პედაგოგებს გამოადგებათ კლუბურ მუშაობასა და შემოქმედებითი პროდუქტების ინსპირაციისთვის. გამონათქვამები შეგროვებულია და ნათარგმნია სხვადასხვა წყაროზე დაყრდნობით.

  1. ჭეშმარიტი ხელოვნების პრინციპები არ არის გამოსახული, არამედ მხოლოდ გამოწვევა (იერჟი კოსინსკი);
  2. კრეატიულობას გამბედაობა სჭირდება (ანრი მატისი);
  3. სისტემურად უნდა შექმნა დაბნეულობა. ის ათავისუფლებს შემოქმედებითობას (სალვადორ დალი);
  4. რაც რეალურად ხელოვნებაა, ეს არის დაკარგული რგოლი და არა არსებული რგოლები. ხელოვნება არ არის ის, რასაც ხედავთ. ხელოვნება არის უფსკრული (მარსელ დიუშანი);
  5. ხელოვნება იწვევს საიდუმლოებას, რომლის გარეშეც სამყარო არ იარსებებდა (რენე მაგრიტი);
  6. ხელოვნება ჩაქუჩია, რომლითაც შეგიძლია საზოგადოების ფორმირება (ლეონ ტროცკი);
  7. კრეატიულობა იძლევა იმედს, რომ შეიძლება დაიბადოს ღირებული იდეა (ედუარდ დე ბონო);
  8. ხელოვნება საუბრობს იქ, სადაც სიტყვები ვერ ხსნის (ავტორიუცნობია);
  9. ყველა დიდი ხელოვნების არსი არის მადლიერება (ფრიდრიხ ნიცშე);
  10. ხელოვნება არის სიცრუე, რომელიც გვაცნობს სიმართლეს (პაბლო პიკასო);
  11. ხელოვნება არის ადამიანური საქმიანობა, რომლის მიზანია, სხვებს გადასცეს უმაღლესი და საუკეთესო გრძნობები (ლევ ტოლსტოი);
  12. როცა ხელოვნებაზე ვფიქრობ, სილამაზეზე ვფიქრობ. სილამაზე ცხოვრების საიდუმლოა. ეს არ არის თვალში, ეს არის გონებაში. ჩვენს გონებაში არის სრულყოფილების ცნობიერება (აგნეს მარტინი);
  13. თუ გვინდა, ხელოვნება ასაზრდოებდეს ჩვენი კულტურის ფესვებს, საზოგადოებამ ხელოვანი უნდა გაათავისუფლოს (ჯონ კენედი);
  14. იყო მხატვარი, ნიშნავს გჯეროდეს ცხოვრების (ჰენრი მური);
  15. შემოქმედებითი პროცესი არის დანებების პროცესი და არა კონტროლი (ჯულია კამერონი);
  16. ინტელექტუალი, უბრალოდ, რაღაც მარტივს ამბობს რთულად. მხატვარი რაღაც რთულს ამბობს მარტივი გზით (ჩარლზ ბუკოვსკი);
  17. როდესაც სიყვარული და უნარი ერთად მუშაობენ, შეგიძლიათ ელოდოთ შედევრს (ჯონ რასკინი);
  18. ხელოვნება უდავოდ არის ადამიანის ბედნიერების ერთ-ერთი ყველაზე სუფთა და უმაღლესი ელემენტი. ის ავარჯიშებს გონებას თვალით და თვალს გონებით. როგორც მზე აფერადებს ყვავილებს, ასევე ხელოვნება აფერადებს სიცოცხლეს (ჯონ ლუბოკი);
  19. პირადად, ძალიან მსიამოვნებს ხელოვნების ნიმუშებთან კონტაქტი. ისინი მაძლევენ იმ ინტენსივობის ბედნიერ გრძნობებს, რასაც სხვა წყაროებიდან ვერ მივიღებ (ალბერტ აინშტაინი);
  20. ხელოვნება არის ცხოვრებაში მიყენებული ზიანის გამოსწორება (ლუიზა ბურჟუა);
  21. ხელოვნების მიზანია არა საგნების გარეგნული გარეგნობის გამოსახვა, არამედ მათი შინაგანი მნიშვნელობა (არისტოტელე);
  22. ხელოვნება უნდა იყოს ის, რაც ათავისუფლებს შენს სულს, ასტიმულირებს ფანტაზიას და ხელს უწყობს ადამიანებს წინსვლისკენ (კიტ ჰარინგი);
  23. მხატვრული ნიჭი ღვთის საჩუქარია და მათ, ვინც მას საკუთარ თავში აღმოაჩენს, აქვს გარკვეული ვალდებულება: იცოდეს, რომ ამ ნიჭს ფუჭად ვერ გაფლანგავს, არამედ უნდა განავითაროს (პაპი იოანე პავლე II);
  24. ხელოვნება არ არის საარსებო საშუალება. ისინი ძალიან ადამიანური გზაა ცხოვრების უფრო ასატანად. ხელოვნების პრაქტიკა, რაც არ უნდა კარგი იყოს თუ ცუდი, არის თქვენი სულის გაზრდის გზა (კურტ ვონეგუტი უმცროსი);
  25. იყავი შემოქმედებითი, ნიშნავს იყო შეყვარებული ცხოვრებაზე. თქვენ შეგიძლიათ იყოთ კრეატიული მხოლოდ მაშინ, როდესაც გიყვართ ცხოვრება ისე, რომ გსურთ მისი სილამაზის ამაღლება (ოშო);
  26. ხელოვნება, თავისუფლება და შემოქმედება უფრო სწრაფად შეცვლის საზოგადოებას, ვიდრე პოლიტიკა (ვიქტორ პინჩუკი);
  27. მინდა შევეხო ხალხს ჩემი ხელოვნებით. მსურს მათ თქვან: ის გრძნობს ღრმად, ის გრძნობს სინაზეს (ვინსენტ ვან გოგი);
  28. ხელოვნების მიზანია არა რეალობის რეპროდუცირება, არამედ თანაბარი ინტენსივობის რეალობის შექმნა (ალბერტო ჯაკომეტი);
  29. ხელოვნება ასუფთავებს სულიდან ყოველდღიური ცხოვრების მტვერს (პაბლო პიკასო);
  30. ხელოვნება არის იმის შეცვლა, რასაც ვხედავთ ყოველდღიურ ცხოვრებაში და ასახავს მას ისე, რომ იმედი გვაძლევს (კეჰინდ უილი);
  31. კარგი ნახატი ჩემთვის ყოველთვის მეგობარი იყო. ის მეხმარება, მამშვიდებს და შთამაგონებს (ჰედი ლამარი);
  32. იყავი საკუთარი თავის ერთგული. აქციეთ ყოველი დღე შედევრად. დაეხმარე სხვებს. ღრმად დაეწაფეთ კარგ წიგნებს. აქციეთ მეგობრობა ჩინებულ ხელოვნებად. ააშენეთ თავშესაფარი წვიმიანი დღის წინააღმდეგ (ჯონ ვუდენი);
  33. ხელოვნება არის ადამიანის სულის შენახული თაფლი, რომელიც უბედურებისა და გაჭირვების ფრთებზეა თავმოყრილი (თეოდორ დრაიზერი);
  34. ხელოვნებაში სასიამოვნო ის არის, რომ შეგიძლია შეანელო და ერთი წუთი შენთვის ღირებული გახდეს (კეჰინდ უილი);
  35. ხელოვნების ყოველი ფორმა ძალაუფლების ფორმაა; მას აქვს გავლენა, მას შეუძლია შეცვალოს (ოსი დევისი);
  36. სახვითი ხელოვნება არის ის, რომელშიც ადამიანის ხელი, თავი და გული ერთად არის თავმოყრილი (ჯონ რასკინი);
  37. 37. ვფიქრობ, ხელოვნება ძალზე მნიშვნელოვანია. ეს არის ერთ-ერთი რამ, რამაც შეიძლება გადაგვარჩინოს (მერი ოლივერი);
  38. ხელოვნებაა თავად უკვდავება (გამსახურდია);
  39. ყველა მხატვარი, რომელიც ასახავს ცას მწვანედ და ბალახს ლურჯად, უნდა იყოს სტერილიზირებული (ადოლფ ჰიტლერი);
  40. ხელოვნება ყოველთვის თანამედროვეა (ფიოდორ დოსტოევსკი);
  41. მეცნიერება ამშვიდებს, ხელოვნება კი იმისთვის არსებობს, რომ არ დამშვიდდეს (ჟორჟ ბრაკი);
  42. მხატვრის ამოცანაა ადამიანების ბავშვებად ქცევა (ფრიდრიხ ნიცშე);
  43. ცხოვრება ხანმოკლეა, მაგრამ ხელოვნების გზაა გრძელი (ჰიპოკრატე);
  44. მხოლოდ ხელოვნება გვაძლევს იმის თქმის საშუალებას, რაც არ ვიცით (გაბრიელ ლაუბი);
  45. ხელოვნება უყვარს მათ, ვისაც ცხოვრებაში არ გაუმართლა (ვასილ კლიუჩევსკი);
  46. ვიცი, რომ ხელოვნება აბსოლუტურად აუცილებელია, მაგრამ არ ვიცი, რატომ (ჟან კოკტო);
  47. თეორია მონოლოგია, ხელოვნება არის დიალოგი, რომელშიც თანამოსაუბრე დუმს (გრიგორ ლანდაუ);
  48. ხელოვნების მიზანი სილამაზის გამოვლენა და ხელოვანის დამალვაა (ოსკარ უაილდი);
  49. ხელოვნების ისტორია არის რენესანსის ისტორია (სემუელ ბატლერი);
  50. დიდ ხელოვანებს სამშობლო არ აქვთ (ალფრედ მიუსე).

ეთერ გოგელიძესსიპ წყალტუბოს მუნიციპალიტეტის სოფელ ფარცხანაყანევის №1 საჯარო სკოლის მასწავლებელი

 

ერთიანი ეროვნული გამოცდები

მასწავლებელთა სასერტიფიკაციო გამოცდები

არდადეგები

„ზაფხულის არდადეგების“ საბოლოო პროდუქტი სექტემბრის კონფერენციისთვის

ეროვნული სასწავლო გეგმის განვითარების ექსპერტმა, ნიკო სილაგაძემ რეკომენდაციის სახით მოგვაწოდა აზრი , რომ ეროვნულ კონფერენციაზე მოსწავლის მიერ შექმნილი საბოლოოო პროდუქტი, პრეზენტაციის დროს, დასაწყისშივე წარგვედგინა...
მსგავსი სიახლეები