როგორც ცნობილია, განათლებისა და მეცნიერების სამინისტრომ ზოგადსაგანმანათლებლო დაწესებულებების მოსწავლეთა მშობლებს 2021-2022 სასწავლო წელსაც მისცა შესაძლებლობა, გააკეთონ არჩევანი დასწრებითი და დისტანციური სწავლების ფორმას შორის.
დისტანციური ფორმატის არჩევის შესაძლებლობით სარგებლობა შეუძლია საქართველოს ყველა საჯარო სკოლის მოსწავლეს.
4 ნოემბრის მონაცემებით, რეგისტრირებულია ონლაინ სწავლებაზე გადასვლის 9278 მსურველი, ხოლო გაუქმებულია 5935 განაცხადი.
შეგახსენებთ, რომ სწავლის განაცხადის შევსება/რეგისტრაციის გაუქმება შესაძლებელია ყოველ ხუთშაბათს 00:00 – 18:00 საათის შუალედში პორტალზე online.emis.ge
სამინისტროს გადაწყვეტილებით, ის მასწავლებლები, რომლებსაც მოუწევთ დისტანციური გაკვეთილების დამატებით ჩატარება, შესაბამის დანამატს მიიღებენ.
