2025 წლის მასწავლებლის ეროვნული ჯილდოს გამარჯვებული ილია ჭავჭავაძის სახ. ახალქალაქის №3 საჯარო სკოლის „მე და საზოგადოების“, სამოქალაქო განათლებისა და მოქალაქეობის მასწავლებელი ჟანა ხაჩატურიანი გახდა. გამარჯვებულს გენერალური სპონსორისგან – „გუდავაძე-პატარკაციშვილის“ ფონდისგან 15 000 ლარი გადაეცა.
წელს მასწავლებლის ეროვნული ჯილდოს ფინალისტებს შორის იყვნენ:
- ელენე ბეთლემიშვილი, გორის №3 და №8 საჯარო სკოლის დაწყებითი საფეხურის მასწავლებელი;
- ნესტან კუბლაშვილი, თბილისის №172 საჯარო სკოლის ქართული ენისა და ლიტერატურის მასწავლებელი;
- მაია ლაპიაშვილი, დედოფლისწყაროს №1 საჯარო სკოლის გეოგრაფიის და სამოქალაქო განათლების მასწავლებელი;
- შალვა მინდაძე, თბილისის №70 საჯარო სკოლის ისტორიის მასწავლებელი
- ჟანა ხაჩატურიანი, ილია ჭავჭავაძის სახელობის ,ახალქალაქის №3 საჯარო სკოლის მე და საზოგადოების, სამოქალაქო განათლებისა და მოქალაქეობის მასწავლებელი.
ფინალისტები, მასწავლებლის ეროვნული ჯილდოს მთავარმა მხარდამჭერმა, საქართველოს ბანკმა 5000 ლარით დააჯილდოვა, ხოლო საუკეთესო ათეულის დანარჩენი წევრები „გუდავაძე-პატარკაციშვილის“ ფონდმა – 2500 ლარით.
ასევე, ღონისძიებაზე საუკეთესო ათეულის წევრებმა მიიღეს სხვადასხვა პრიზები, რომელსაც ყოველ წელს ჯილდოს მხარდამჭერები აწესებენ.
ინფორმაციისთვის ⇒ „მასწავლებლის ეროვნული ჯილდო“, საქართველოში, 2017 წლის 13 მაისს დაწესდა. ინიციატივა გლობალური კამპანიის – „The Global Teacher Prize“-ის ნაწილს წარმოადგენს. ჯილდო მიზნად ისახავს საქართველოში პროფესიის პოპულარიზაციას, პედაგოგების პრესტიჟის ზრდას, წარმატებული მასწავლებლების გამოვლენასა და საზოგადოებისათვის მათ წარდგენას.
მასწავლებლის ეროვნული ჯილდოს მხარდამჭერები არიან:
- გენერალური სპონსორი – გუდავაძე-პატარკაციშვილის ფონდი;
- მთავარი მხარდამჭერი – საქართველოს ბანკი;
- ოქროს სპონსორი – ილიას სახელმწიფო უნივერსიტეტი;
- მხარდამჭერი და სპონსორი -კონსულტაციისა და ტრენინგის ცენტრი (CTC);
- მხარდამჭერები – EPAM Georgia და ალტე უნივერსიტეტი.
