16 აგვისტო, სამშაბათი, 2022

1 მილიარდი ლარი სკოლების მშენებლობა-რეაბილიტაციას მოხმარდება  – პროექტით 230 000-ზე მეტი მოსწავლე ისარგებლებს

spot_img

საქართველოს პრემიერ-მინისტრის, ირაკლი ღარიბაშვილის ინიციატივით, თბილისსა და რეგიონებში აშენდება და რეაბილიტირდება 800 სკოლა. 1 მილიარდი ლარის ღირებულების პროექტი საგანმანათლებლო რესურსებზე თანაბარ ხელმისაწვდომობასა და მათ გაუმჯობესებას უზრუნველყოფს – პროექტით 230 000-ზე მეტი მოსწავლე ისარგებლებს. შედეგად, 2026 წლის ბოლოსთვის ყველა საჯარო ზოგადსაგანმანათლებლო დაწესებულება ინფრასტრუქტურულად გამართული იქნება.

მიხეილ ჩხენკელი: „საქართველოს  პრემიერ-მინისტრის, ბატონი ირაკლი ღარიბაშვილის ინიციატივით იწყება უაღრესად მნიშვნელოვანი და უპრეცედენტო მასშტაბის მქონე პროექტი, რომელიც გულისხმობს 800 სკოლის მშენებლობა-რეაბილიტაციას. უფრო კონკრეტულად, აშენდება 80 ახალი სკოლა, 220 სკოლა სრულ, ხოლო 500 ნაწილობრივ რეაბილიტაციას გაივლის. ამ უპრეცედენტო მასშტაბის მქონე პროექტის ბიუჯეტი შეადგენს 1 მილიარდ ლარს და, რაც ძალიან მნიშვნელოვანია, ამ სიკეთით ისარგებლებს 230 000-ზე მეტი მოსწავლე.

80 ახალი სკოლა აშენდება იმ ზოგადსაგანმანათლებლო დაწესებულებების ნაცვლად, რომლებიც არ ექვემდებარება რეაბილიტაციას – განხორციელდება აღნიშნული სკოლების დემონტაჟი და მათ ადგილზე აშენდება თანამედროვე ახალი სკოლები. აღსანიშნავია, რომ ჩვენ პირველ რიგში დავიწყებთ იმ სკოლების რეაბილიტაციას, რომელთაც ეს ყველაზე მეტად ესაჭიროება და ჯამში მოვიცავთ 800 სკოლას.

როდესაც ჩვენ ახალ სრულად რეაბილიტირებულ სკოლებზე ვსაუბრობთ, აქ რასაკვირველია უნდა აღინიშნოს, რომ მშენებლობა-რეაბილიტაცია და აღჭურვა განხორციელდება თანამედროვე სტანდარტების შესაბამისად. ახალი სასკოლო გარემო პირდაპირ კავშირშია განათლების ხარისხის გაუმჯობესებასთან. სკოლები თანამედროვე ლაბორატორიებით აღიჭურვება, კეთილმოეწყობა სპორტული ინფრასტრუქტურა, რაც ახალგაზრდებში ჯანსაღი ცხოვრების წესის გაუმჯობესების მიმართულებით უაღრესად მნიშვნელოვანია. ყველა სკოლა იქნება სრულად ადაპტირებული სპეციალური საგანმანათლებლო საჭიროების მქონე მოსწავლეებისთვის.

1 მილიარდი ლარის ღირებულების ამ უაღრესად მნიშვნელოვანი პროექტის განხორციელება არის ნათელი დადასტურება იმისა, რომ ახალგაზრდების განათლებაზე ზრუნვა  ჩვენი გუნდის სტრატეგიული პრიორიტეტია.“

ერთიანი ეროვნული გამოცდები

მასწავლებელთა სასერტიფიკაციო გამოცდები

არდადეგები

„ზაფხულის არდადეგების“ საბოლოო პროდუქტი სექტემბრის კონფერენციისთვის

ეროვნული სასწავლო გეგმის განვითარების ექსპერტმა, ნიკო სილაგაძემ რეკომენდაციის სახით მოგვაწოდა აზრი , რომ ეროვნულ კონფერენციაზე მოსწავლის მიერ შექმნილი საბოლოოო პროდუქტი, პრეზენტაციის დროს, დასაწყისშივე წარგვედგინა...
მსგავსი სიახლეები