დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, გასულ კვირაში, დააანონსა, რომ იწყებდნენ იმ 2200 მასწავლებლის გაფართოებულ ტესტირებას, რომლებიც, ზაფხულში, აჭარაში იმყოფებოდნენ. დღეს მის მიერ გაკეთებული განცხადებით ირკვევა, რომ დღევანდელი მონაცემებით, ტესტირება მხოლოდ 47%-მა ჩაიტარა.
ამირან გამყრელიძემ მოუწოდა მასწავლებლებს, რომლებიც ზაფხულის პერიოდში აჭარაში იმყოფებოდნენ, ტესტირებისთვის, თავიანთი მუნიციპალიტეტების საზოგადოებრივი ჯანდაცვის ცენტრებს მიმართონ.
„ჩვენ ვიკვლევდით და ვიკვლევთ მასწავლებლებს, მაგრამ რატომღაც ისინი მოეშვნენ. – აცხადებს დაავადებათა კონტროლის ეროვნული ცენტრის ხელმძღვანელი და მოუწოდებს მასწავლებლებს, მივიდნენ გამოსაკლევად – ვთხოვ მასწავლებლებს, საქართველოს ყველა რეგიონში, ვინც ზაფხულის პერიოდში იმყოფებოდა ბათუმსა და აჭარაში, მიბრძანდეს გამოსაკვლევად. ამას სახელმწიფო იღებს თავის თავზე. ისინი უნდა დაუკავშირდნენ თავიანთი მუნიციპალიტეტების საზოგადოებრივი ჯანდაცვის ცენტრებს და გამოკვლევები ჩაიტარონ“.
იმ 1 011 (47%) მასწავლებლიდან, რომლებმაც უკვე ჩაიტარეს ტესტირება, მხოლოდ 7 პედაგოგს დაუდასტურდა კორონავირუსი.
