შპს ბათუმის უმაღლესი საზღვაო საინჟინრო სასწავლებელი ანრი (ბუსსს ანრი), 20 წელიწადზე მეტია, ემსახურება საზღვაო განათლებას და მეზღვაურთა წვრთნას.
სასწავლებელი, ეფუძნება რა პროფესიული განათლების, ასევე მეზღვაურთა წვრთნისა და სერტიფიცირების უნიფიცირებულ სტანდარტებსა და წესებს, ისწრაფვის, საზღვაო დარგებში საგანმანათლებლო და საწვრთნელი პროგრამების განხორციელების გზით, საზოგადოების მოთხოვნებსა და საჭიროებებზე ორიენტირებული თანამედროვე ცოდნის გავრცელებისკენ.
ბათუმის უმაღლესი საზღვაო საინჟინრო სასწავლებელი ანრის ორი ძირითადი მიმართულებაა:
1) საზღვაო პროფესიული განათლება (პროფესიული საგანმანათლებლო დაწესებულება – კოლეჯი), „პროფესიული განათლების შესახებ“ საქართველოს კანონისა და პროფესიული საგანმანათლებლო დაწესებულების ავტორიზაციის სტანდარტების მოთხოვნათა შესაბამისად
2) მეზღვაურთა წვრთნა (მეზღვაურთა წვრთნისა და სერტიფიცირების ცენტრი), „მეზღვაურთა განათლებისა და სერტიფიცირების შესახებ“ საქართველოს კანონისა და „მეზღვაურთა მომზადების, დიპლომირების და ვახტის გაწევის შესახებ“ ცვლილებებით, (STCW Convention with amendments) საერთაშორისო კონვენციის მოთხოვნათა შესაბამისად.
სასწავლებელი სერტიფიცირებულია ხარისხის სისტემის საერთაშორისო სტანდარტის ISO 9001:2015 შესაბამისად, ასევე, გააჩნია IQNet-ის სერტიფიკატი.
ბუსსს ანრი არის ავტორიზებული პროფესიული საგანმანათლებლო დაწესებულება, რომელიც ახორციელებს პროფესიულ საგანმანათლებლო პროგრამებს შემდეგი სპეციალობებით:
♦ საგემბანე განყოფილების ექსპლუატაცია; სწავლის ხანგრძლივობა – 15 თვე;
♦ გემის სამანქანე განყოფილების ექსპლუატაცია; სწავლის ხანგრძლივობა – 14 თვე.
სწავლება ხორციელდება სახელმწიფო დაფინანსებით.
ბუსსს ანრის მეზღვაურთა წვრთნისა და სერტიფიცირების ცენტრი აღიარებულია სსიპ საზღვაო ტრანსპორტის სააგენტოს მიერ. მეზღვაურთა წვრთნისა და სერტიფიცირების ცენტრში მოქმედი და დამწყები მეზღვაურები წვრთნას გადიან „მეზღვაურთა განათლებისა და სერტიფიცირების შესახებ“ საქართველოს კანონისა და „მეზღვაურთა მომზადების, დიპლომირების და ვახტის გაწევის შესახებ“ ცვლილებებით (STCW Convention with amendments), საერთაშორისო კონვენციის მოთხოვნათა შესაბამისად. საწვრთნელი კურსების პროგრამები შემუშავებულია საერთაშორისო საზღვაო ორგანიზაციის მოდელ კურსების (IMO Model Courses) შესაბამისად და აღიარეულია სსიპ საზღვაო ტრანსპორტის სააგენტოს მიერ.
საგანმანათლებლო და საწვრთნელ პროცესებს საზღვაო დარგის გამოცდილი სპეციალისტები, პროფესიული განათლების კვალიფიციური მასწავლებლები და ინსტრუქტორები ახორციელებენ.
ბუსსს ანრის მატერიალურ-ტექნიკური ბაზა შეესაბამება საგანმანათლებლო და საწვრთნელ ნაციონალურ და საერთაშორისო სტანდარტებს: სასწავლებელს აქვს საკუთარი 6-სართულიანი შენობა, სადაც განლაგებულია საკლასო, საწვრთნელი კლასები/აუდიტორიები, ლაბორატორიები-სიმულატორები, საკონფერენციო დარბაზი, ბიბლიოთეკა და პროფესიულ სტუდენტთა და მსმენელთა დასასვენებელი სივრცე, საერთო საცხოვრებელი.
პრაქტიკული მეცადინეობებისა და წვრთნებისთვის სასწავლებლის საკუთრებაშია სასწავლო-საწვრთნელი გემი „კაპიტანი ო. ჩახვაძე“, კურსების შესაბამისი სიმულატორები, მათ შორის:
- სწრაფმავალი და სამაშველო კატარღები;
- მოტონავი;
- სამაშველო ტივი;
- კაპიტნის ხიდურის სიმულატორი;
- რადილოკაციური და ავტომატური რადიოლოკაციური სიმულატორი;
- რეალური სამანქანო განყოფილება;
- ლაბორატორიები და საამქროები;
- რეალური გემის მოდელი/მაკეტი;
- საცურაო აუზი;
- უცხო ენების შემსწავლელი აუდიტორია;
- კომპიუტერული ოთახები და სხვა.
ბუსსს ანრი მჭიდროდ თანამშრომლობს სხვადასხვა საერთაშორისო საკრუინგო და გემთმფლობელ კომპანიებთან, რათა ხელი შეუწყოს პროფესიულ სტუდენტებს, კურსდამთავრებულებს დასაქმებაში.
მის: ქ. ბათუმი, დავით მამულაძის №29
mtc-anri.edu.ge
info@mtc-anri.edu.ge
