მანანა კაკაჩია
სსიპ გიორგი მებონიას სახელობის წალენჯიხის მუნიციპალიტეტის ობუჯის თემის №1 საჯარო სკოლის მათემატიკის მასწავლებელი
მათემატიკის მნიშვნელობა განუსაზღვრელია ყოველდღიურ ცხოვრებაში, ადამიანის აღზრდა მათემატიკის გარეშე არასრულფასოვანია. ბავშვი იზრდება მათემატიკასთან ერთად ისე, რომ ამას ვერც კი ამჩნევს.
მათემატიკა ყველა პროფესიის ადამიანს სჭირდება.
ჯერ კიდევ უძველესი დროიდან მოყოლებული, მათემატიკის სწავლებას დიდი ყურადღება ექცეოდა, რადგან ინდივიდს ეხმარება გონებრივ განვითარებაში, აზროვნებაში, ხასიათისა და რწმენის სიმტკიცის ჩამოყალიბებაში, მთელი რიგი უნარ-ჩვევების ფორმირებაში. აქედან გამომდინარე, სწავლებისას მნიშვნელოვანი ყურადღება უნდა მიექცეს მათემატიკური მეთოდების გამოყენებას გარემომცველი სამყაროს შემეცნებისას.
თუ ბავშვს მივაწვდით ასაკთან შესაბამის და საჭირო მასალას, იგი სიამოვნებით დაამუშავებს და შეისწავლის მას.
მოსწავლეთა გარკვეულ ნაწილს უჭირს მათემატიკის შესწავლა, ზოგიერთი რიცხვის, ფიგურის თვისებების დამახსოვრება, ამიტომ გადავწყვიტე, ეს პრობლემა გადამეჭრა თამაშ-თამაშით. შემექმნა გამოცანები, რომელთათვის სწორი პასუხის გასაცემად მოსწავლეს დასჭირდებოდა ზოგან რიცხვის, ზოგან ფიგურის თვისებების გახსენება, ზოგან კი მარტივი გამოთვლების ჩატარება. ეს გამოცანები მასწავლებელმა შეიძლება გამოიყენოს სხვადასხვა კლასში, მრავალფეროვნებისთვის, მათემატიკური ღონისძიებების ჩატარებისას, მათემატიკის კვირეულის ფარგლებშიც სხვადასხვა შეჯიბრების მოწყობის დროს.
აი, ისინიც: