ივნისის ბოლოს პროფესიული კოლეჯები მსურველებს შესთავაზებენ ერთიან სარეგისტრაციო ბაზას, სადაც ელექტრონულად იქნება ხელმისაწვდომი ის პროფესიულ-საგანმანათლებლო პროგრამების სრული ჩამონათვალი, რომლებზე მიღებასაც სთავაზობენ კოლეჯები აპლიკანტებს. ივლისის დასაწყისში კი შესაძლებელი იქნება არჩეულ პროფესიაზე დარეგისტრირება.
პროფესიულ პროგრამებზე ჩარიცხვის ახალი რეგულაცია ბევრად უფრო დეცენტრალიზებულია – უმაღლეს პროფესიულ საგანმანათლებლო პროგრამებზე (მე-5 დონე) ჩარიცხვის მსურველები ნაეკის მიერ ორგანიზებულ ერთიან პროფესიულ ტესტირებას გაივლიან, ხოლო მე-3 და მე-4 დონეზე დარეგისტრირებულთა საგამოცდო პროცესს თავად კოლეჯები უზრუნველყოფენ.
