მასწავლებლის კომპეტენციის დასადასტურებელი ტესტირება დაიწყო

1876

დღეიდან საგამოცდო პროცესში მასწავლებლებიც ჩაერთვნენ. 14 ივლისს ტესტირება პრაქტიკოსი პედაგოგებისთვის პროფესიულ უნარებში ჩატარდა. მასწავლებლის კომპეტენციის დადასტურების პროცესი კოვიდ პანდემიასთან დაკავშირებული ყველა რეგულაციის დაცვით მიმდინარეობს. პროფესიული უნარების ტესტირებაზე გამოცხადდა 69%-ზე მეტი აპლიკანტი, დაიგვიანა ოთხმა.

პროფესიულ უნარებში გამოცდა კიდევ ორი დღე – 15 და 16 ივლისს – გარძელდება.

მასწავლებლის საგნის გამოცდაზე და საგნობრივი და პროფესიული კომპეტენციების დასადასტურებლად რეგისტრაცია 28 700-ზე მეტმა მსურველმა გაიარა.

კომპეტენციის დადასტურება შესაძლებელია შემდეგ საგნებში:

✔🟦 ქართული ენა და ლიტერატურა, მათემატიკა, საზოგადოებრივი მეცნიერებები;

✔🟦 საბუნებისმეტყველო მეცნიერებები;

✔🟦 უცხოური ენები;

✔🟦 ესთეტიკური აღზრდა;

✔🟦ინფორმაციული და საკომუნიკაციო ტექნოლოგიები.

პრაქტიკოს მასწავლებლებს ასევე აქვთ საშუალება, კომპეტენცია დაადასტურონ პროფესიულ უნარებში.

წელს პირველად ტარდება უფროსი სპეციალური მასწავლებლის გამოცდა, რომელიც 27-ში ჩატარდება. უფროსი სპეციალური მასწავლებლის გამოცდის ჩასაბარებლად  2 800-მდე მსურველი დარეგისტრირდა.
✔🟦 ტესტირება მათემატიკაში, საზოგადოებრივ მეცნიერებებში, საბუნებისმეტყველო მეცნიერებებში, ესთეტიკური აღზრდის საგნებში, სპორტსა და ინფორმაციულ და საკომუნიკაციო ტექნოლოგიებში ტარდება რუსულ, სომხურ და აზერბაიჯანულ ენებზეც იმ პირებისათვის, რომლებიც ასწავლიან ან სურთ ასწავლონ არაქართულენოვან სკოლებში/სექტორებში.

დატოვეთ კომენტარი