კიდევ ერთი საგამოცდო დღე დასრულდა. დღეს გამოცდებს მასწავლებლები და მასწავლებლობის მსურველები ორ სესიად აბარებდნენ.
⇔ პირველი სესია:
♦ ქართული ენა და ლიტერატურა, მათემატიკა და ბუნებისმეტყველება (I-IV);
♦ ბუნებისმეტყველება (დაწყებითი საფეხური I-VI);
♦ ქართული ენა და ლიტერატურა (დაწყებითი საფეხური I-VI);
⇔ მეორე სესია:
♦ მათემატიკა (დაწყებითი საფეხური I-VI);
♦ მუსიკა;
♦ სამოქალაქო განათლება (საბაზო ან /და საშუალო საფეხური).
გამოცდაზე დარეგისტრირებულებიდან საგამოცდო ცენტრებში 86%-ზე მეტი გამოსაცდელი გამოცხადდა, დაიგვიანა შვიდმა აპლიკანტმა. გამოცდამ მშვიდ ვითარებაში ჩაიარა.
ხვალ ისევ აბიტურიენტების ჯერი დგება – მათემატიკის გამოცდას ჩააბარებენ ორ სესიად. მასწავლებლებისთვის კი საგამოცდო სესიები 14 ივლისიდან განახლდება:
♦ 14-15 ივლისს – პროფესიული უნარები;
♦ 14 ივლისს – ბიოლოგია (საბაზო ან/და საშუალო საფეხური).
