კონკურსის „დაწერე მინიატურა“ გამარჯვებულები

დასრულდა „ახალი განათლების“ მიერ გამოცხადებული კონკურსი „დაწერე მინიატურა“. საუკეთესო ათეულიდან გამარჯვებულები გამოვლინდნენ:

🔶 ჟიურის რჩეული მინიატურა – „არასდროს დამავიწყდები“, ნინი გირკელიძე –  გია გოგუას სახელობის ოზურგეთის მუნიციპალიტეტის სოფელ ბოხვაურის საჯარო სკოლის მე-7 კლასის მოსწავლე. ჟიურის რჩეულს, წიგნის მაღაზია „შაქრო ბაბუასგან“, საჩუქრად გადაეცემა 100-ლარიანი  ვაუჩერი;

🔶 „ახალი განათლების“ რჩეული – „მავთულხლართები“, დაჩი მარველაშვილი –  თბილისის კერძო სკოლის „ჰელიოსი“ მე-11 კლასის მოსწავლე. რედაქციის რჩეული საჩუქრად მიიღებს 200 ლარს;

🔶 ვებგვერდის რჩეული –  „მაპატიე, დედა!“ (ეძღვნება ლელას ხსოვნას!), მარიამ ჩაჩანიძე, ხარაგაულის მინიციპალიტეტის სოფელ ხიდრის საჯარო სკოლის მე-10 კლასის მოსწავლე. ვებგვერდის რჩეულს, გამომცემლობა „ინტელექტისგან“, საჩუქრად გადაეცემა 100-ლარიანი ვაუჩერი;

🔶  სპეციალური პრიზი დააწესა გამომცემლობა „აგორამ“, მისი რჩეულია „ბინდი ყველაფერში“, მარიამ გოგობერიშვილი, საჩხერის მუნიციპალიტეტის სოფელ არგვეთის საჯარო სკოლის მე-11 კლასის მოსწავლე. გამომცემლობა თავის რჩეულს წიგნების ნაკრებს გადასცემს.

🔶🖍 კონკურსის პირობის თანახმად, ათი საუკეთესო მინიატურა „ახალი განათლების“ ხუთშაბათის ნომერში გამოქვეყნდება და ფინალისტები ონლაინ სერტიფიკატებს მიიღებენ.

მადლობას ვუხდით მხარდამჭერებს, კონკურსის ჟიურისა და მონაწილეებს.

მომავალ კონკურსამდე გემშვიდობებით!