კომპლექსური დავალება – „მოგზაურობა ინტერნეტში“

სამიზნე ცნება – ინტერნეტი, ინფორმაცია.

ქვეცნებები:

♦ ინტერნეტის ფუნქციონირების პრინციპები;

♦ ინტერნეტში ინფორმაციის მოძიება, მოძიებული ინფორმაციის დახარისხება და გამოყენება (საძიებო სისტემა);

♦ პრეზენტაციის შექმნა (Microsoft PowerPoint);

საკითხი: ინფორმაციის მოძიება ინტერნეტის ისტორიის შესახებ და მარტივი პრეზენტაციის შექმნა PowerPoint-ის გამოყენებით.

♦ სად მოვიძიო ინფორმაცია?

♦ როგორ დავახარისხო, როგორ გამოვიყენო?

♦ როგორ შევქმნა PowerPoint-ში პრეზენტაცია?

კომპლექსური დავალება – „მოგზაურობა ინტერნეტში“.

წარმოიდგინე, რომ ხარ მკვლევარი, მოიძიე ინფორმაცია ინტერნეტის ისტორიის შესახებ ინტერნეტ სივრცეში. მოძიებული ინფორმაციის გამოყენებით, შექმენი მარტივი პრეზენტაცია PოწერPოინტ-ში და გაუზიარე შენს თანატოლებს. სლაიდების მინიმალური რაოდენობა უნდა იყოს 5 და არ უნდა აღემატებოდეს 10-ს.

მოსწავლემ უნდა გააცნობიეროს, რომ:

მოსწავლეს შეუძლია:

ინტერნეტი

1. ინტერნეტი არის კომპიუტერების ერთმანეთთან დამაკავშირებელი ქსელი;

2. ინტერნეტში, ანუ ერთმანეთთან დაკავშირებულ კომპიუტერულ ქსელში, შესაძლებელია ინფორმაციის არა მარტო მოძიება და გამოყენება, არამედ განთავსებაც;

3. ინტერნეტში განთავსებული ინფორმაცია ხელმისაწვდომი შეიძლება იყოს ყველასთვის ან ადამიანების გარკვეული ჯგუფისთვის.

ინფორმაცია

1. კომპიუტერული მოწყობილობის გამოყენებით შესაძლებელია ინფორმაციის სწრაფი გაცვლა, შენახვა და დამუშავება;

2. როგორც სიტყვები შეგვიძლია დავწეროთ ფურცელზე, ასევე, კომპიუტერული ფაილის სახით, შეგვიძლია ინფორმაციის ჩაწერა კომპიუტერში;

3. ფაილებზე შეიძლება განვახორციელოთ ცვლილება და გადავიტანოთ სხვა კომპიუტერულ მოწყობილობაში.

· ინტერნეტში ინფორმაციის მოძიება და გამოყენება;

·  ინფორმაციის გაზიარება;

· ინფორმაციის მოძიება, შენახვა, დახარისხება და გამოყენება;

·             საპრეზენტაციო პროგრამის – PowerPoint-ის გამოყენება და მასში  ინფორმაციის შენახვა;

·              საპრეზენტაციო ფაილში ცვლილებების შეტანა.

● დავალებაზე მუშაობისას რა შემთხვევაში დაგჭირდათ ინფორმაციის მოძიება, გამოყენება ან განთავსება (მ. Წ. 2);

● ვის უზიარებთ ინტერნეტში თქვენ მიერ განთავსებულ ინფორმაციას (მ. Წ. 3).

ინფორმაცია

● დავალების შესრულების პროცესში როგორ მოიპოვეთ ინფორმაცია. თქვენ მიერ გამოყენებული ინფორმაციის რა ნაწილი იქნა მოძიებული, შექმნილი ან სხვასთან გაცვლილი (მ. Წ. 1);

● როგორ და რა ტიპის ფაილის სახით შეინახეთ ინფორმაცია კომპიუტერში (მ. Წ. 2);

● თქვენ მიერ შექმნილმა ფაილმა რა ტიპის ცვლილებები განიცადა (მ. Წ. 3);

● საჭიროების შემთხვევაში, როგორ გადაიტანთ თქვენს ფაილს სხვა კომპიუტერულ მოწყობილობაში (მ. Წ. 3).

კომპლექსური დავალების განხორციელების ეტაპები (აქტივობები, რესურსები, შეკითხვები)

ეტაპი I – კომპლექსური დავალების პირობის გაცნობა

რესურსები/განსახილველი ქეისები

რესურსები:

What is a Presentation? – YouTube

https://www.youtube.com/watch?v=FNG8-Z-j_Pg

კომპლექსური დავალების პირობის გააზრებაზე ორიენტირებული შეკითხვები:

♦ რა არის პრეზენტაცია?

♦ როგორ შევქმა პრეზენტაცია?

♦ როგორ მოვიძიო ინფორმაცია?

ეტაპი II – კომპლექსურ დავალებაზე მუშაობა

ნაბიჯი 1

მკვიდრი წარმოდგენა №1 – ინტერნეტი არის კომპიუტერების ერთმანეთთან დამაკავშირებელი ქსელი.

სააზროვნო კითხვები:

♦ რა არის ინტერნეტი? როგორ მუშაობს ინტერნეტი? რაში გვეხმარება ინტერნეტის გამოყენება?

♦ რისი საშუალებით უკავშირდება სხვადასხვა კომპიუტერული მოწყობილობა ერთმანეთს?

♦ სად ინახება ინტერნეტში მოთავსებული ინფორმაცია?

♦ როგორ მოძრაობს ინფორმაცია ინტერნეტში?

♦ რა არის საძიებო სისტემა? რომელ საძიებო სისტემებს იცნობ?

♦ რა არის ბრაუზერი და რომელ ბრაუზერს იყენებ?

♦ როგორ უნდა მოიძიო ინფორმაცია ინტერნეტში?

აქტივობები:

♦ დახატე ფურცელზე როგორ არიან დაკავშირებული კომპიუტერები ერთმანეთთან შენს სკოლაში, შიდა ქსელის საშუალებით.

♦ საძიებო სისტემის გამოყენებით ინტერნეტში მოიძიე და დაათვალიერე ცხოველებისა და მცენარეების შესახებ ინფორმაცია.

რესურსი:

https://school.emis.ge/Computer-Science/Class-3/internet-8/3.html

https://school.emis.ge/Computer-Science/Class-3/internet-8/5.html

https://school.emis.ge/Computer-Science/Class-3/internet-8/7.html

https://school.emis.ge/Computer-Science/Class-3/search-engine-9/6.html

https://school.emis.ge/Computer-Science/Class-3/search-engine-9/7.html

https://school.emis.ge/Computer-Science/Class-3/search-engine-9/8.html

https://school.emis.ge/Computer-Science/Class-3/search-engine-9/9.html

ნაბიჯი 2

მკვიდრი წარმოდგენა №2 – ინტერნეტში, ანუ ერთმანეთთან დაკავშირებულ კომპიუტერულ ქსელში, შესაძლებელია ინფორმაციის არა მარტო მოძიება და გამოყენება, არამედ განთავსებაც.

სააზროვნო კითხვები:

♦ რა შემთხვევაში ხდება ინფორმაციის მოძიება ინტერნეტში?

♦ როგორ შეიძლება მოძიებული ინფორმაციის გადმოწერა კომპიუტერში?

♦ როგორ შეიძლება მოძიებული ინფორმაციის გამოყენება?

აქტივობა:

საძიებო სისტემის გამოყენებით მოიძიე ინფორმაცია, დაახარისხე და შეინახე შენს კომპიუტერში.

ნაბიჯი 3

მკვიდრი წარმოდგენა №3 – ინტერნეტში განთავსებული ინფორმაცია ხელმისაწვდომი შეიძლება იყოს ყველასთვის ან ადამიანების გარკვეული ჯგუფისთვის.

სააზროვნო კითხვები:

♦ როგორ შეიძლება განათავსო ინფორმაცია ინტერნეტში?

♦ ყოველთვის არის თუ არა ხელმისაწვდომი სასურველი ინფორმაცია და რა ფაქტორებზეა დამოკიდებული მისი ხელმისაწვდომობა.

აქტივობა:

ვთქვათ, გაქვს ორი საცავი: ტანსაცმლის კარადა და ინფორმაციის საცავი – ინტერნეტი; წარმოიდგინე, რომ შენ გაქვს შენი ინტერნეტსერვერი. განსაზღვრე, რა ინფორმაციას შეინახავ, ვის გაუზიარებ და როგორ. ჩამოწერე 3 ნიშანი, რომელიც ფუნქციურად საერთო აქვთ კარადასა და ინტერნეტს, შემდეგ კი – 3 განმასხვავებელი ნიშანი. წარუდგინე შენ მიერ შესრულებული დავალება კლასელებს, გაუზიარე შენი ჩანაფიქრი.

ნაბიჯი 4

მკვიდრი წარმოდგენა №4 – კომპიუტერული მოწყობილობის გამოყენებით შესაძლებელია ინფორმაციის სწრაფი გაცვლა, შენახვა და დამუშავება.

სააზროვნო კითხვები:

♦ რა არის ინფორმაცია? რა ტიპის ინფორმაციას იცნობ?

♦ ხომ არ გსმენია უფროსი თაობის ადამიანებისგან საბეჭდი მანქანისა და სტამბის შესახებ?

♦ ადამიანები, ძველად, ხელით წერდნენ, მაგრამ წიგნები როგორ იბეჭდებოდა?

♦ სად იბეჭდებოდა და რომელი მოწყობილობების გამოყენებით?

♦ რა გზით მოიპივე ინფორმაცია? ინფორმაციის რა ნაწილი იყო შენ მიერ შექმნილი?

აქტივობა:

ინტერნეტში მოიძიე ტექსტური ინფორმაცია საყვარელი ცხოველის შესახებ, თაბახის ფურცელზე გადაიტანე, დახატე ფოტოსურათი და გააკეთე პრეზენტაცია.

ნაბიჯი 5

მკვიდრი წარმოდგენა №5 – როგორც სიტყვები შეგვიძლია დავწეროთ ფურცელზე, ასევე, კომპიუტერული ფაილის სახით, შეგვიძლია ჩავწეროთ კომპიუტერში.

სააზროვნო კითხვები:

♦ რა ტიპის ინფორმაცია მოიპოვე?

♦ რა ტიპის ფაილის სახით შეინახე კომპიუტერში მოძიებული ინფორმაცია?

♦ პრეზენტაციის მოსამზადებლად რომელი პროგრამა გამოიყენე?

♦ როგორ განათავსე შენ მიერ მოპოვებული ინფორმაცია PowerPoint-ში?

♦ როგორ შეინახე პრეზენტაცია?

რესურსები:

https://school.emis.ge/Computer-Science/Class-3/Presentation-11/7.html

https://school.emis.ge/Computer-Science/Class-3/Presentation-11/12.html

აქტივობა:

♦ მოიძიე ტექსტური და გრაფიკული ტიპის ინფრომაცია მცენარეების შესახებ და განათავსე PowerPoint-ში, 3 სლაიდზე. შეარჩიე სლაიდის დიზაინი და შეინახე კომპიუტერში.

ნაბიჯი 6

მკვიდრი წარმოდგენა №6 – ფაილებზე შეიძლება განვახორციელოთ ცვლილება და გადავიტანოთ სხვა კომპიუტერულ მოწყობილობაში.

სააზროვნო კითხვები:

♦ როგორ დაამატე ახალი სლაიდი საპრეზენტაციო პროგრამაში?

♦ როგორ ჩასვი ტექსტი და ფოტომასალა? როგორ ჩასვი ბმული?

♦ როგორ შეარჩიე დიზაინი?

♦ როგორ გადაიტან შენს პრეზენტაციას სხვა კომპიუტერულ მოწყობილობაში?

აქტივობა:

ბუნებისმეტყველების გაკვეთილზე ნასწავლი, მზის სისტემის შესახებ, მოამზადე პრეზენტაციისთვის, პროგრამა PowerPoint-ში.

კომპლექსური დავალების შესრულებისა და პრეზენტაციის პროცესში მასწავლებლის მიერ დასმული შეკითხვები კონკრეტულ მოსწავლესთან ინდივიდუალური მუშაობის საწარმოებლად

პრეზენტაციის პროცესი

♦ აღწერე როგორ წარიმართა დავალებაზე მუშაობის პროცესი;

♦ აღწერე რა პროდუქტი შექმენი;

♦ რა საკითხს შეეხება შენ მიერ მომზადებული დავალება?

♦ შენი აზრით, ვინ უნდა დაინტერესდეს შენ მიერ შექმნილი კომპლექსური დავალებით და რატომ?

♦ რა დაბრკოლებებს წაააწყდი დავალებაზე მუშაობის პროცესში?

♦ რას გააკეთებდი სხვაგვარად, ახლა რომ იწყებდე დავალებაზე მუშაობას?

♦ მსგავსი ფორმის ან შინაარსის დავალება სხვა დროს თუ შეგისრულებია?

♦ შენი აზრით, რით ჰგავს და რით განსხვავდება შენი დავალება შენი თანაკლასელების ნაშრომებისგან?