2019 წლის სკოლის ექსტერნატის გამოცდების ჩატარებისა და რეგისტრაციის ვადები დადგინდა. ზოგადი განათლების ცალკეული კლასის/სემესტრის, ასევე ცალკეულ კლასში/სემესტრში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდის ჩატარების და ექსტერნად რეგისტრაციის ვადების დადგენის შესახებ განათლების, მეცნიერების, კულტურისა და სპორტის მინისტრმა ბრძანება გამოსცა.
გამოცდაზე ექსტერნად რეგისტრაციას მსურველები მიმდინარე წლის 18 თებერვლიდან – 28 თებერვლის ჩათვლით შეძლებენ.
გამოცდის ჩატარების გრაფიკი კი – მიმდინარე წლის 15 მარტიდან 25 მარტის ჩათვლით პერიოდში განაწილდება.
ექსტერნატის ფორმით ზოგადი განათლების პროგრამების დაძლევის მსურველებმა განაცხადი რესურსცენტრებში უნდა წარადგინონ.
იხილეთ ვრცლად ბრძანება.