22 ივლისს ერთიანი ეროვნული გამოცდების ძირითადი სესიები სამოქალაქო განათლების გამოცდით დასრულდა. დღეს დარეგისტრირებულთა 83%-ზე მეტი აბიტურიენტი გამოცხადდა. არ ყოფილა დაგვიანების არც ერთი შემთხვევა.
დამატებითი სესიები კოვიდინფიცირებული გამოსაცდელებისათვის ეტაპობრივად ჩატარდება.
რაც შეეხება მასწავლებლებსა და მასწავლებლობის მსურველებს, დღეს უცხოური ენების, ქართულის როგორც მეორე ენისა და ინფორმაციული და საკომუნიკაციო ტექნოლოგიების გამოცდებს აბარებდნენ. გამოცხადდა 80%-ზე მეტი აპლიკანტი. არ ყოფილა დაგვიანების არც ერთი შემთხვევა.
გამოცდები 24 ივლისს მასწავლებლის საგნის გამოცდით გაგრძელდება. 26 და 27 ივლისს კი საერთო სამაგისტრო გამოცდა ჩატარდება.
