13 ივნისი, ხუთშაბათი, 2024

ბათუმის 28-ე საჯარო სკოლაში სასწავლო-სადემონსტრაციო სათბური გაიხსნა

spot_img

ამერიკის შეერთებული შტატების სოფლის მეურნეობის დეპარტამენტის (USDA) მხარდაჭერით ორგანიზებულ კონკურსში „ჭკვიანი ფერმა ჩვენს სკოლაში“ გამარჯვებულ სკოლებს სათბურები გადაეცათ. ბათუმის №28 სკოლაში სათბურის გახსნის ცერემონიალს აჭარის განათლების, კულტურისა და სპორტის მინისტრის მოადგილე ზაურ ახვლედიანი დაესწრო.

კონკურსის „ჭკვიანი ფერმა ჩვენს სკოლაში“ მიზანი იყო ახალგაზრდებში აგრარული პროფესიების პოპულარიზაცია, აჭარაში დარგების გაახალგაზრდავება, აგრარული ტექნოლოგიების იმპლემენტაცია, აგრარული ექსტენციის მიწოდებაში კვლევის კომპონენტის შეტანა და გაძლიერება, აგრარული ექსტენციის საუნივერსიტეტო მოდელის მდგრადი განვითარება.

კონკურსი რამდენიმე ეტაპისგან შედგებოდა და ითვალისწინებდა სკოლების მოსწავლეების, სტუდენტების, ექსტენციონისტების და პედაგოგების ერთობლივ მუშაობას, რომლის ფარგლებშიც გამოვლინდა ტექნოლოგიებზე დაფუძნებული და საბაზრო პრინციპებზე მორგებული 6 საუკეთესო პროექტი: ბათუმის № 1 საჯარო სკოლა – აგროკლუბი/სადისკუსიო პლატფორმა; ბათუმის №28 საჯარო სკოლა – ბოსტნეულის საჩითილე; შუახევის მუნიციპალიტეტის სოფელ ხიჭაურის საჯარო სკოლა – ჟოლოს სადემონსტრაციო ნაკვეთი; ხულოს მუნიციპალიტეტის სოფელ ოქრუაშვილების საჯარო სკოლა – სასწავლო-სადემონსტრაციო საფუტკრე; ქობულეთის მუნიციპალიტეტის სოფელ ხალას საჯარო სკოლა – ენდემური ჯიშების მსხლის სანერგე; ხულოს მუნიციპალიტეტის სოფელ სხალთის საჯარო სკოლა – ლურჯი მოცვი ხელოვნურ სუბსტრატზე.

პროექტი აჭარის საჯარო სკოლებისთვის განხორციელდა, ბსუ-ს ექსტენციის ცენტრის ბაზაზე, აშშ-ის სოფლის მეურნეობის დეპარტამენტის (USDA) დაფინანსებით, აჭარის განათლებისა და სოფლის მეურნეობის სამინისტროების მხარდაჭერითა და „მომავლის ფერმერის“ ორგანიზებით. კონკურსის ფარგლებში, დაფინანსდა 6 საგრანტო პროექტი, მათგან 4 სასკოლო სასწავლო-სადემონსტრაციო სათბური/ნაკვეთი.

სკოლებში სათბურების მოწყობის მიზანია მოსწავლეებში სასოფლო-სამეურნეო საქმიანობის პოპულარიზაცია და სოფლის მეურნეობის სხვადასხვა დარგის შესახებ ცნობადობის გაზრდა.

ბათუმის №28 საჯარო სკოლასა და ქობულეთის მუნიციპალიტეტის სოფელ ხალას საჯარო სკოლებში სადემონსტრაციო სათბურების გახსნის ღონისძიებას ესწრებოდნენ: აჭარის სოფლის მეურნეობის მინისტრის მოადგილე უჩა სურმანიძე, ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში, აშშ-ს სოფლის მეურნეობის დეპარტამენტის (USDA) წარმომადგენლები საქართველოში დემნა ძირკვაძე და გოჩა შაინიძე, ასევე, სექტორული პლატფორმა „მომავლის ფერმერის“ ხელმძღვანელი რუსუდან გიგაშვილი.

ერთიანი ეროვნული გამოცდები

აბიტურიენტის გვერდი

ბლოგი

კულტურა

მსგავსი სიახლეები