14 აგვისტო, კვირა, 2022

აშშ-ის სან დიეგოს სახელმწიფო უნივერსიტეტის დამამთავრებელი კურსის სტუდენტური პროექტების გამოფენა გაიმართა

spot_img

2022 წლის 2 ივნისს, სან დიეგოს სახელმწიფო უნივერსიტეტი საქართველო ქეფსთოუნ (სადიპლომო) პროექტების ვირტუალურ გამოფენა გაიმართა. გამოფენაზე წარმოდგენილი იყო სადიპლომო პროექტები, რომელზეც სტუდენტებმა დამამთავრებელი კურსის განმავლობაში იმუშავეს. ეს სდსუ საქართველოს მიერ გამართული მეოთხე ღონისძიება იყო ქეფსთოუნ პროექტების წარსადგენად.

გამოფენაზე სტუდენტებით დაკომპლექტებული 16 გუნდი იღებდა მონაწილეობას, რომლებმაც რეალური საინჟინრო პრობლემების ტექნოლოგიური გადაწყვეტება გააცნეს აუდიტორიას. წელს, პირველად, სდსუ საქართველოს სტუდენტებმა იმუშავეს სან დიეგოს სახელმწიფო უნივერსიტეტის ახალი კამპუსის აქტუალური პრობლემების გადაწყვეტაზე. შესაბამისად, სტუდენტები დისტანციურად მუშაობდნენ სან დიეგოს სახელმწიფო უნივერსიტეტის სამშენებლო და საინჟინრო გუნდთან ერთად.

ქეფსთოუნ პროექტი სტუდენტების აკადემიური კარიერის ყველაზე მნიშვნელოვანი მიღწევაა. ეს არის სადიპლომო საინჟინრო პროექტი, რომლის შესრულება დამამთავრებელი კურსის ინჟინერიის სტუდენტებისათვის სავალდებულოა და რომელზეც სტუდენტები ორი სემესტრის განმავლობაში მუშაობენ. დამამთავრებელი კურსის სტუდენტები მუშაობენ ჯგუფებში, რომელიც ფორმირებულია როგორც სამრეწველო დიზაინის გუნდი, სადაც თითოეული წევრისთვის გაწერილია კონკრეტული დავალება, მათი სასწავლო პროგრამის და გამოცდილების მიხედვით. გუნდის წევრები მუშაობენ რეალურ პროექტებსა და პრობლემებზე, რომლებსაც ერთობლივ ხელმძღვანელობას უწევს როგორც აკადემიური პერსონალი, ასევე შესაბამისი ინდუსტრიის წარმომადგენელი ბიზნესის სფეროდან. პროექტზე მუშაობისას, სტუდენტები გადიან იმ ღონისძიებების სრულ ციკლს, რაც საჭიროა მზა პროდუქტის შესაქმნელად და მის ბაზარზე წარსადგენად. ეს პროცესი მოიცავს დეტალურ ანალიზს, დაგეგმვას, დიზაინს, ტესტირებას და საჭიროების მიხედვით ცვლილებების შეტანას, რათა მოხდეს ფუნქციური, მზა პროდუქტის დროული მიწოდება.

ქეფსთოუნ პროექტის საშუალებით ფასდება სტუდენტების უნარები, რაც საჭიროა რეალური ინდუსტრიული პროექტის განხორციელებისთვის, ყველა ეტაპზე. შედეგად, იქმნება პროექტი, რომელიც აკმაყოფილებს ინდუსტრიის სტანდარტებს და წარმოადგენს შესაბამის სფეროში არსებული კონკრეტული, რეალური პრობლემის გადაჭრის გზებს.

„ქეფსთოუნ“ პროექტების მიზანია უზრუნველყოს კოლაბორაცია და გამოცდილების გაცვლა სტუდენტებსა და კერძო სექტორის წარმომადგენლებს შორის, რაც სტუდენტებს უკეთ მოამზადებს სწავლის დასრულების შემდეგ კარიერისთვის.

წელს სდსუ საქართველოს სტუდენტების ერთ-ერთი პროექტის მხარდამჭერია  საქართველოს ინოვაციების და ტექნოლოგიების სააგენტო.

სან დიეგოს სახელმწიფო უნივერსიტეტი (SDSU) 125-წლიანი ისტორიის მქონე ამერიკული უნივერსიტეტია. ის ერთ-ერთი ყველაზე მოთხოვნადი უმაღლესი სასწავლებელია კალიფორნიაში. SDSU, აშშ-ის ათასწლეულის გამოწვევის კორპორაციის (MCC) მეორე კომპაქტის ფინანსური მხარდაჭერით, საქართველოში 2015 წლიდან სთავაზობს მაღალი ხარისხის, საერთაშორისო აკრედიტაციის მქონე საბაკალავრო პროგრამებს საინჟინრო და ტექნოლოგიურ (STEM) დარგებში. პროექტის მთავარი მიზანია საქართველოში მაღალკვალიფიციური სტემ კადრების მომზადება. სდსუ საქართველოს პროგრამებს უკვე ჰყავს 410 კურსდამთავრებული.

ერთიანი ეროვნული გამოცდები

მასწავლებელთა სასერტიფიკაციო გამოცდები

არდადეგები

„ზაფხულის არდადეგების“ საბოლოო პროდუქტი სექტემბრის კონფერენციისთვის

ეროვნული სასწავლო გეგმის განვითარების ექსპერტმა, ნიკო სილაგაძემ რეკომენდაციის სახით მოგვაწოდა აზრი , რომ ეროვნულ კონფერენციაზე მოსწავლის მიერ შექმნილი საბოლოოო პროდუქტი, პრეზენტაციის დროს, დასაწყისშივე წარგვედგინა...
მსგავსი სიახლეები