დაავადებათა კონტროლის ეროვნული ცენტრის დირექტორის ამირან გამყრელიძის განცხადებით აქტიურად განიხილება 12 წლის ზემოთ ბავშვების აცრის საკითხი და გადაწყვეტილება მალე გამოაცხადებენ ამის თაობაზე.
მისივე თქმით, აქტიურად განიხილება ორი ვერსია: „ორი მიდგომაა – ეს არ არის ახალი ველოსიპედი, არის საყოველთაო, როდესაც 12-დან 15 წლის ჩათვლით ყველა ბავშვი იცრება და მეორე მიდგომა – ე.წ. ბრიტანული, როდესაც იცრებიან მხოლოდ და მხოლოდ ბავშვები, რომელთაც აქვთ შესაბამისი ჩვენებები და ეს ჩვენებების სია საკმაოდ გრძელია.“ – განაცხადა ამირან გამყრელიძემ.