18 აგვისტო, ხუთშაბათი, 2022

არაქართულენოვანი სკოლების მასწავლებელთა პრეზენტაციები

spot_img

ზოგადი განათლების რეფორმის ფარგლებში, 2021-2022 წლის სასწავლო გეგმის დანერგვის საუკეთესო პრაქტიკის გაზიარების მიზნით, შემაჯამებელი ეროვნული კონფერენციის მომხსენებლებს შორის იყვნენ არაქართულენოვანი სკოლების ეთნიკურად სომეხი და აზერბაიჯანელი მასწავლებლები – ბანოვშა მასმალიევა, აიტაჩ გოჯაევა, მელინა ქოთოიან, ლარისა სტამბოლციან, ნურლან აფენდიევი, ანჟელა ხაჩატურიან-მარგიანი, ნინა მარიკიან, რომან მარტიროსიან, სუსანა მანასიან, ზარუი არაქელიან, რაფაელ სულეიმანოვი, ფარიზ ბაირამოვი, ვაფა ბაირამოვა. მათ წარმოადგინეს პრეზენტაციები დაწყებით საფეხურზე განხორციელებული კომპლექსური დავალებების შესახებ და ქართულ ენაზე გააცნეს დამსწრეებს.

როგორც სამინისტროს რეფორმის გუნდი იუწყება, ზოგადი განათლების რეფორმის ფარგლებში, ეროვნულ კონფერენციაზე, 82 პანელურ სესიაზე 1114 მოხსნების სახით წარმოდგენილი იყო როგორც დაწყებით, ასევე საბაზო საფეხურზე სხვადასხვა თემის ფარგლებში განხორციელებული კომპლექსური დავალებები, მოსწავლეთა შეფასებები, პედაგოგთა თვითშეფასება და პროცესების მოკლე ანალიზი.

წარმოდგენილი იყო როგორც სამინისტროს ექსპერტების, ქოუჩების მიერ შეთავაზებული თემატური მატრიცები, ასევე თავად მასწავლებლების მიერ შექმნილი ან ადაპტირებული კომპლექსური დავალებები შესაბამისი თემების ფარგლებში. საინტერესო იყო დაკვირვება, ერთი და იგივე კომპლექსური დავალებები როგორ განხორციელდა სხვადასხვა მასწავლებლის მიერ განსხვავებულ გარემოში, სრულიად განსხვავებული ხედვებით, საბოლოო პროდუქტებით, რამაც თვალნათლად დაგვანახა პედაგოგთა ინდივიდუალიზმი, მოტივაცია და რაც მთავარია ფიქრის პროცესი. თითოეული დავალება გააზრებული იყო, მასწავლებელი ითვალისწინებდა კლასის ინტერესებსა და საჭიროებებს.

კონფერენციაზე წარმოდგენილი იყო ტექნოლოგიებთან ინტეგრირებული კომპლექსური დავალებები და STEAM პროექტები.

რეგიონული და ეროვნული კონფერენციები ყოველწლიურად ჩატარდება. კონფერენციების სისტემური ხასიათი საშუალებას მისცემს მასწავლებლებს, აქტიურად ჩაერთონ ეროვნული სასწავლო გეგმით გათვალისწინებული კომპლექსური დავალებების დანერგვის პროცესში. გამოცდილების გაზიარება, უკუკავშირის მიღება საშაულებას მისცემს თითოეულ მონაწილეს, შეაფასოს საკუთარი საქმიანობა, გაეცნოს სისტემის გამოწვევებს და დაამყარის პროფესიული კავშირები.

ერთიანი ეროვნული გამოცდები

მასწავლებელთა სასერტიფიკაციო გამოცდები

არდადეგები

„ზაფხულის არდადეგების“ საბოლოო პროდუქტი სექტემბრის კონფერენციისთვის

ეროვნული სასწავლო გეგმის განვითარების ექსპერტმა, ნიკო სილაგაძემ რეკომენდაციის სახით მოგვაწოდა აზრი , რომ ეროვნულ კონფერენციაზე მოსწავლის მიერ შექმნილი საბოლოოო პროდუქტი, პრეზენტაციის დროს, დასაწყისშივე წარგვედგინა...
მსგავსი სიახლეები