მასწავლებლის პრაქტიკული საქმიანობის (პორტფოლიოს) სწორად ორგანიზებისთვის  

„ახალი განათლება“ სთავაზობს მასწავლებლებს მხარდამჭერ პუბლიკაციათა სერიას მასწავლებლის პრაქტიკული საქმიანობის (პორტფოლიოს) სწორად ორგანიზებისთვის

წამყვანობისთვის:

მიმართულება 1. სასწავლო პროცესის დაგეგმვა და წარმართვა

კომპეტენცია „მასწავლებელს შეუძლია მოსწავლეთა მიღწევების დიაგნოსტირება, შედეგების ანალიზი და მათი საგნობრივ კურიკულუმში ასახვა“ (არჩევითი)

მტკიცებულება:

მიღწევათა დიაგნოსტირება ინსტრუმენტით „ანგარიშის ფორმა“ (ქართული ენისა და ლიტერატურის მაგალითზე)

რეკომენდაცია ანგარიშის ფორმის შევსებისთვის:

√ „ანგარიშის ფორმა“ წარმოადგენს სამინისტროს მიერ შემუშავებულ დოკუმენტს! ის არაა ერთადერთი, მაგრამ მარტივად შესავსები დოკუმენტია.

√ დოკუმენტი შევასეთ რამდენიმე მოსწავლეზე და არა მხოლოდ ერთზე (თუ კლასში გყავთ 25 მოსწავლე, დაახლოებით, ანბანური ან სხვა პრინციპით შეარჩიეთ რამდენიმე (3-5 მოსწავლე).

√ინფორმაცია არ გააყალბოთ, იყავით გულწრფელები და დაეყრდენით მხოლოდ თქვენს პრაქტიკას! ამავე ინსტრუმენტზე დაყრდნობით წარმოადგინეთ კურიკულუმის განვითარების ნიმუში/ნიმუშები შემდეგი მოცემულობების გათვალისწინებით (ერთი ან რამდენიმე მიმართულება).

კურიკულუმის განვითარება

აქ შეიძლება აისახოს თემის სწავლა-სწავლების პროცესის გაუმჯობესება შემდეგი მიმართულებით:

⇒ სავალდებული თემის ფარგლებში ძირითადი საკითხების გამოკვეთა/ძირითადი საკითხების სხვაგვარად გადაჯგუფება;

⇒ ძირითადი კონტექსტ-მაგალითის ამსახველი რესურსის დახვეწა/სხვა რესურსებით ჩანცვლება;

⇒ ძირითადი კონტექსტ-მაგალითის გაყვანა სხვა ქვესაკითხებზე, ქვეცნებებსა და სამიზნე ცნებებზე;

⇒ თემასთან დაკავშირებული მკვიდრი წარმოდგენების განსხვავებულად ფორმულირება;

⇒ კომპლექსური დავალების პირობის ადაპტირება; ორიენტირება მოსწავლის უფრო საინტერესო პერფორმანსზე / პროდუქტისშექმნაზე;

⇒ კომპლექსურ დავალებასთან დაკავშირებული დაზუსტებების (ქუდის ქვეში „ნაშრომში/ნაშრომის პრეზენტაციისას ხაზგასმით წარმოაჩინეთ“) და მათთან დაკავშირებული შეკითხვების ფორმულირების შეცვლა / განსხვევებულად დაჯგუფება;

⇒ აქტივობებისა და დამატებითი რესურსების ჩანიშვნა, რომლებზე დაყრდნობითაც ეფექტურად მოხერხდა სამიზნე ცოდნის კონსტრუირება.

⇒ შენიშვნა: აღნიშნეთ, რომ ერთ ან რამდენიმე თემატურ მატრიცაში რა ცვლილებები უნდა შეიტანოთ კათედრასთან შეთანხმებით. არსებული მატრიცის მიერ გაწერილი სცენარში არსებული დაბრკოლებები უნდა გადაილახოს განმავითარებელი ინსტრუმენტების გამოყენებით (დამაზუსტებელი შეკითხვების, აქტივობების, რესურსების დამატება), რომლებსაც მომავალ სასწავლო წლისთვის უკვე ასახავთ ე.წ. მატრიცაში.

ამით სრულად კმაყოფილდება კრიტერიუმის მოთხოვნები:

აპლიკანტის მიერ დეტალურადაა აღწერილი მოსწავლის / მოსწავლეების მიღწევები და საჭიროებები ეროვნული სასწავლო გეგმის შედეგებთან მიმართებით;

ნაჩვენებია ინსტრუმენტები, რომლთა საფუძველზეც მოხდა აღნიშნული საჭიროებების იდენტიფიცირება, დასაბუთებულია მოპოვებული ინფორმაციის სანდოობა და გაანალიზებულია მოპოვებული მონაცემები, გამოტანილია რელევანტური დასკვნები და შედეგების საფუძველზე შეტანილია შესაბამისი ცვლილება/ცვლილებები საგნობრივ კურიკულუმში.

ესგ-ის ექსპერტი როლანდ ხოჯანაშვილი