პარლამენტს წარედგინა კანონპროექტი, რომლის მიხედვით, ოკუპირებულ ტერიტორიებზე მცხოვრები ყველა აბიტურიენტი, რომელიც ერთიან ეროვნულ და საერთო სამაგისტრო გამოცდებზე დარეგისტრირებული იყო, მაგრამ აფხაზეთის დე ფაქტო ხელისუფლების მიერ ენგურის ხიდზე მდებარე ე.წ. სასაზღვრო გამშვები პუნქტის ჩაკეტვის გამო, ვერ შეძლო 2019 წლის ერთიან ეროვნულ და სამაგისტრო გამოცდებში მონაწილეობა, მისთვის სასურველ სახელმწიფო უმაღლეს საგანმანათლებლო დაწესებულებებში სასურველ საბაკალავრო/სამაგისტრო პროგრამებზე გამოცდების გარეშე ჩაირიცხება. გარდა ამისა, სახელმწიფო სტუდენტის სწავლას სრულად დააფინანსებს. 2019 წელს გამოცდებზე ასეთი 201 აბიტურიენტი დარეგისტრირდა.
შესაბამისი ცვლილებები „უმაღლესი განათლების შესახებ“ კანონში აისახება