სამაგისტრო გამოცდის აპელაციის შედეგად ქულა შეეცვალა 86 პირს

126

შეფასებისა და გამოცდების ეროვნული ცენტრი საერთო სამაგისტრო გამოცდის აპელაციის შედეგებს აქვეყნებს ვებგვერდზე: online.naec.ge. სისტემაში შესვლა შესაძლებელია პირადი ნომრითა და საგამოცდო ბარათზე მითითებული ცხრანიშნა საიდენტიფიკაციო კოდით.

მაგისტრობის მსურველებს საშუალება აქვთ, საკუთარი შედეგების გვერდზე ასევე იხილონ გათანაბრებული ქულებიც. ეს არის ის საბოლოო შედეგი, რომლითაც დგინდება გადალახა თუ არა გამოცდებში მონაწილემ ზღვარი ტესტის ამა თუ იმ ნაწილში.

შედეგების გასაჩივრებასთან დაკავშირებით შექმნილი საგნობრივი კომისიის გადაწყვეტილება ტესტური დავალების შეფასების სისწორესთან დაკავშირებით შეიძლება გასაჩივრდეს აპელაციის შედეგების გამოქვეყნებიდან ერთი თვის ვადაში თბილისის საქალაქო სასამართლოში (მის.: თბილისი, აღმაშენებლის ხეივანი მე-12 კმ, №6).

საგრანტო ქულის გამოთვლის წესი

მაგისტრობის მსურველთა რეიტინგული სია ნორმირებული ქულების მიხედვით ცენტრის ვებგვერდზე მოგვიანებით გამოქვეყნდება.

⬇️⬇️⬇️

✍ სამაგისტრო პროგრამაზე ჩარიცხვის კონკურსში მონაწილეობისათვის აუცილებელია, საგამოცდო ტესტის 4 ნაწილიდან, რომელიმე სამში მაინც, კომპეტენციის მინიმალური ზღვრის გადალახვა.

✍ 2020 წლის საერთო სამაგისტრო გამოცდებზე დარეგისტრირებული 12600-ზე მეტი მაგისტრობის კანდიდატიდან გამოცდაზე გამოცხადდა 87%-მდე გამოსაცდელი.

✍ სააპელაციო განაცხადების მიღება 27 აგვისტოდან 2 სექტემბერის ჩათვლით მიმდინარეობდა.

✍ აპელაციის შედეგად ქულა შეეცვალა 86 პირს.

✍ სამაგისტრო გამოცდაზე გამოსული 11 000-ზე მეტი გამოსაცდელიდან საგამოცდო ტესტის 4 ნაწილიდან, მინიმუმ, სამში ზღვარი გადალახა 9 000-ზე მეტმა.

დატოვეთ კომენტარი